by: Mrs. Baby Alfonso, EED Librarian
Photos: Mr. Oyet Concepcion, GS Librarian
Sa pagdiriwang ng linggo ng Wika ng kagawaran ng Prep, ibat-ibang gawain ang inihanda ng mga guro para sa Center Time. Ang Filipino Center na binubuo ng grupo nina T’ Ria, T’Kate, T’ Bhie, at T’ Ana ay naghandog ng isang kwento sa pamamagitan ng isang puppet show at ito ay may pamagat na “Ang Alamat ng Ampalaya”. Ito ay ginanap sa Storytelling Area ng EED LRC. Upang maging ganap na makatotohanan ang gawain, ang grupo ay nagpatikim sa mga bata ng isang pagkain na gawa sa ampalaya. Maraming bata ang tumikim ng iniluto ni T’ Ana na ampalaya. Mayroong mga bata na nasarapan at mayroon ding hindi nagustuhan ang lasa nito. Ngunit higit sa lahat, ang mga bata ay nasiyahan sa inihandang puppet show ng mga guro bilang pagdiriwang sa “Buwan ng Wika”.
